Rendementos do traballo
Normativa: Arts. 19.2.f) da Lei do IRPF e 46 do Regulamento do IRPF
Rendementos do traballo: para a persoa con discapacidade titular do patrimonio protexido as achegas teñen a consideración de rendementos de traballo polo importe en que estes rendementos excendan de tres veces o indicador público de renda de efectos múltiples (para o ano 2023 a devandita contía é o resultado de 8.400 x 3 = 25.200 euros).
Rendementos do traballo en especie exenta: na exención por primas ou cotas satisfeitas pola empresa a entidades aseguradoras para a cobertura de enfermidade do traballador, o seu cónxuxe e descendentes increméntase o límite de exención a 1.500 € cando estas sexan persoas con discapacidade.
Os gastos deducibles pola obtención de rendementos netos do traballo, con carácter xeral, son:
-
Gastos deducibles por rendementos do traballo. 2000 € anuais, con carácter xeral, para todos os contribuíntes que obteñan rendementos do traballo.
-
Gastos deducibles por mobilidade xeográfica. Os gastos deducibles do punto primeiro incrementaranse en 2000 € para os contribuíntes desempregados inscritos na oficina de emprego que acepten un posto de traballo que estea situado noutro municipio e esixa o traslado da súa residencia habitual ao novo domicilio. É aplicable no período impositivo en que se produza o cambio de residencia e no seguinte.
Os traballadores activos con discapacidade, ademais dos gastos anteriores que lles correspondan, terán dereito a un incremento dos devanditos gastos por discapacidade de traballadores activos, segundo o seguinte detalle:
|
Grado de discapacidade |
Redución por discapacidade de traballadores activos |
|---|---|
| Igual ou superior ao 33 %e inferior ao 65 % | 3.500 € |
| Igual ou superior ao 33 %e inferior ao 65 %que acrediten necesitar axuda de terceiras persoas ou mobilidade reducida |
7.750 € |
| Igual ou superior ao 65 % | 7.750 € |
En tributación conxunta de unidades familiares con varios traballadores activos con discapacidade, o incremento de gasto deducible será único e aplicarase o importe do traballador activo da unidade familiar con maior grao de discapacidade.
O incremento de gasto por discapacidade de traballadores activos aplícase cando en calquera momento do período impositivo concorren estas dúas circunstancias simultaneamente:
-
Ter o grao de discapacidade esixido.
-
Ser traballador activo.
Como consecuencia da aplicación dos devanditos gastos pola obtención de rendementos netos do traballo, o saldo resultante non poderá ser negativo.