Por gastos derivados de controis veterinarios e vacinación

Normativa: Arts. 12 nonies e 13 Lei 8/2013, do 21 de novembro, da Comunidade Autónoma de Castela-A Mancha, de Medidas Tributarias

Contía e límite máximo da dedución

O 30 por 100 das cantidades satisfeitas no período impositivo e n concepto de gastos veterinarios e vacinación derivada da tenza de cans de asistencia.

Terán a consideración de gastos deducibles os relativos a vacinacións, desparasitación, esterilización e demais tratamentos que resulten obrigatorios conforme á normativa específica aplicable aos cans de asistencia.
Entenderase por can de asistencia, o que tras superar un proceso de selección xenética e sanitaria finalizou o seu adestramento nunha entidade especializada e oficialmente recoñecida ou homologada na comunidade autónoma, coa adquisición das aptitudes necesarias para dar servizo e asistencia a persoas con discapacidade ou que padecen algunha das enfermidades indicadas no apartado seguinte.

Os perrros de asistencia clasifícanse nos seguintes tipos:
1. Can guía: o can adestrado para guiar unha persoa con discapacidade visual, xa sexa total ou parcial, ou cunha discapacidade auditiva engadida.
2. Can de sinalización de sons: o can adestrado para avisar as persoas con discapacidade auditiva da emisión de sons e da súa procedencia.
3. Can de servizo: o can adestrado para prestar axuda e asistencia ás persoas con discapacidade física nas actividades da vida diaria, tanto no medio privado coma no externo.
4. Can de aviso: o can adestrado para dar unha alerta médica a persoas que padecen crises recorrentes con desconexión sensorial derivadas dunha enfermidade específica como a diabete, a epilepsia ou outra enfermidade orgánica regulamentariamente recoñecida.
5. Can para persoas con trastorno do espectro autista: o can adestrado para coidar da integridade física dunha persoa con trastorno do espectro autista, guiara e controlar as situacións de emerxencia que poida sufrir.
Non terán tal consideración :
1. Os cans utilizados en actividades de terapia asistida con animais, aínda cando as persoas destinatarias sexan persoas con discapacidade.
2. Os cans utilizados en proxectos de atención ou tratamento a persoas vítimas de violencia de xénero ou doutros delitos, persoas en situación de risco ou exclusión social ou persoas maiores.
3. Os cans destinados a prestar unha función de apoio emocional a persoas afectadas por trastornos da personalidade ou con enfermidades mentais.
4. Calquera outros animais distintos dos da especie canina, á marxe da súa finalidade.
Establécese un límite máximo de 100 euros anuais por contribuínte.

Ámbito temporal de aplicación da dedución

A dedución resultará aplicable durante todo o período de tenza do animal por parte do contribuínte.

Requisitos para a aplicación da dedución

Que se recoñecese a unidade de vinculación entre o suxeito pasivo e o can de asistencia, por parte da consellaría competente en materia de benestar social, conforme á Lei 5/2018, do 21 de decembro, de acceso ao medio das persoas con discapacidade acompañada de cans de asistencia (BOE, 08-02-2019) ou por outra comunidade autónoma.
Que os gastos estean debidamente xustificados mediante factura expedida por profesional ou centro veterinario legalmente autorizado.
Que os gastos fosen efectivameante satisfeitos polo contribuínte.
Que os gastos non fosen subvencionados por entidades públicas ou privadas.
Que a suma da base impoñible xeral e a do aforro do contribuínte, recadros [0435] e [0460] da declaración, non supere :
- - 27.000 euros en tributación individual.
- - 36.000 euros en tributación conxunta.

Importante : unha vez introducida polos contribuíntes con dereito á dedución a información necesaria para o seu cálculo, o seu importe aparecerá recollido no recadro [0969] do Anexo B.4 da declaración, "Outras deducións".