Comunidade Autónoma de Aragón

• Dedución de 200 € por cada fillo nado ou adoptado durante o período impositivo cun grao de discapacidade igual ou superior ao 33 %.

  Esta dedución é compatible coas deducións “Por nacemento ou adopción do terceiro fillo ou sucesivos” e “Por adopción internacional de nenos”.

  Doutra banda, é incompatible coa dedución “Por nacemento ou adopción do primeiro e / ou segundo fillo en poboacións de menos de 10.000 habitantes”.

• Dedución de 150 € polo coidado de persoas dependentes (ascendente maior de 75 anos e ascendente ou descendente cun grao de discapacidade igual ou superior ao 65 %calquera que sexa a súa idade) que convivan co contribuínte polo menos durante a metade do período impositivo sempre que se cumpran os restantes requisitos e condicións establecidas para a aplicación da dedución.