Para contribuíntes afectados por discapacidade

(Art. 6 e 10 Texto Refundido das disposicións legais da Comunidade de Castilla y León en materia de tributos propios e cedidos polo Estado, aprobado por Decreto Lexislativo 1/2013, do 12 de setembro)

Contía da dedución

300 euros por cada contribuínte, de idade igual ou superior a 65 anos, afectado por un grao de discapacidade igual ou superior ao 33 %.
656 euros por cada contribuínte, de idade igual ou superior a 65 anos, afectado por un grao de discapacidade igual ou superior ao 65 %.
300 euros por cada contribuínte menor de 65 anos afectados por un grao de discapacidade igual ou superior ao 65 %.

Requisitos e outras condicións para a aplicación da dedución

Que a suma da base impoñible xeral e a base impoñible do aforro do contribuínte menos o mínimo persoal e familiar (recadros [0435], [0460] e [0520] da declaración, respectivamente) non supere as seguintes cantidades:
- 18.900 euros en tributación individual.
- 31.500 euros en tributación conxunta.
Que o contribuínte non sexa usuario de residencias públicas ou concertadas da Comunidade de Castilla y León.
Que o grao de discapacidade se acredite mediante certificación expedida polo órgano competente na materia.

Considerarase acreditado un grao de discapacidade igual ou superior ao 65 %, cando se trate de persoas cuxa incapacidade sexa declarada xudicialmente, aínda que non acádese o devandito grao.

Tamén se considerará acreditado un grao de discapacidade igual ou superior ao 33 %en caso de pensionistas da Seguridade Social que teñan recoñecida unha pensión de incapacidade permanente total, absoluta ou gran invalidez e no caso dos pensionistas de clases pasivas que teñan recoñecida unha pensión de xubilación ou retiro por incapacidade permanente para o servizo ou inutilidade.