Saltar ao contido principal
Manual específico para persoas con discapacidade

Tratamento fiscal das achegas recibidas

(Art. 17.k) e disposición adicional décimo oitava da Lei do IRPF)

As achegas realizadas ao patrimonio protexido teñen a consideración de rendementos do traballo para a per­sona con discapacidade titular do devandito patrimonio, cos seguintes límites e condicións:

  1. Cando os aportantes son contribuíntes do   IRPF, ata o importe de 10.000 €  anuais por cada aportante e de 24.250 €  anuais para o conxunto de todos os aportantes.

  2. Cando os aportantes son contribuíntes do Imposto sobre Sociedades,  sempre que as achegas fosen gasto dedu­cible no Imposto sobre Sociedades, co límite de 10.000 €  anuais. Este límite é independente dos indicados no número 1° anterior.

O importe das achegas que, por exceder dos límites e condicións anteriormente comentados, non teña a consideración de rendementos do traballo estará suxeito ao Imposto sobre Sucesións e Doazóns.

Finalmente, as cantidades que, nos termos anteriormente comentados, teñan a consideración de rendementos do traballo non están suxeitas a retención ou ingreso a conta.

A integración dos rendementos do traballo na base impoñible do   IRPF  do contribuínte con discapacidade, titular do patrimonio protexido, efectuarase só polo importe en que estes rendementos excedan de tres veces o indicador público de renda de efectos múltiples (IPREM), importe este que no exercicio 2022 ascende a  24.318,84 € (8.106,28 € x 3).