5.3.1. Como acollerse ao SII de forma voluntaria?
Existe a posibilidade de acollerse ao SII de forma voluntaria, optando en calquera momento mediante a presentación do modelo 036 (recadros 143 e 532), quedando incluído desde o día seguinte a aquel en que finalice o período de liquidación en que se exercese a devandita opción.
EXEMPLO :
Unha empresa que opta polo SII , presentando o modelo 036 o 10 de febreiro de 2021, quedará incluída no sistema desde o 1 de abril de 2021.
A información relativa ás facturas expedidas e recibidas antes do 1 de abril, terá como prazo para remitiras ata 31 de decembro de 2021 (inclusive). As expedidas ou recibidas con posterioridade serán remitidas nos prazos específicos do SII xa comentados.
Os contribuíntes incluídos no SII non están obrigados a presentar a Declaración anual de operacións con terceiras persoas, modelo 347 Nova xanela, e a Declaración-resumo anual do Imposto sobre o Valor Engadido, modelo 390 Nova xanela.
Esta exoneración comporta a necesaria formalización de recadros adicionais na autoliquidación correspondente ao último período de liquidación do exercicio.
