1.3.4. Obxectos de correspondencia
O artigo 1, apartado 26, do AD CAU define os obxectos de correspondencia4 como «cartas, tarxetas postais, cecogramas ou impresos non suxeitos a dereitos de importación ou de exportación».
Segundo o artigo 141, apartado 2, do AD CAU, os obxectos de correspondencia consideraranse declarados para despacho a libre práctica pola súa entrada no territorio aduaneiro da Unión.
Cabe sinalar que os bens que conteñan os obxectos de correspondencia (por exemplo, un sobre) non poden considerarse obxectos de correspondencia, polo que deben estar suxeitos aos requisitos da DSE e a declaración en aduana, así como ao pagamento do IVE. As revistas e os xornais considéranse bens e están suxeitos ao IVE, polo que para o seu despacho a libre práctica cómpre presentar unha declaración electrónica en aduana.
4Para unha explicación máis detallada dos trámites aduaneiros en relación cos obxectos de correspondencia, véxase a parte E, punto 3, do UCC Entry & Import Guidance Document [«Documento de orientación sobre a entrada e importación do CAU», documento en inglés].