e) O E.D. 12 08 000 000 «Número de referencia RUE»

Este elemento de datos corresponde á referencia comercial única asignada polo vendedor á operación ou o pedido en cuestión. Poderá adoptar a forma dos códigos da Organización Mundial de Aduanas (códigos OMA,  ISO 15459) ou equivalentes.

Permite acceder a datos comerciais subxacentes de interese para a aduana, que poderían facilitar e axilizar calquera posible actividade de control. Polo tanto, é aconsellable facilitar este elemento de datos sempre que sexa posible. Este  E.D. é opcional para a persoa que presenta a declaración en aduana. A nota relativa a este  E.D. especifica que esta entrada poderá utilizarse para indicar o identificador da operación, se as mercadorías se declaran para o seu despacho a libre práctica no marco do réxime especial para as vendas a distancia de bens importados de terceiros países ou terceiros territorios contemplados no título XII, capítulo 6, sección 4, da Directiva 2006/112/CE. Non obstante, ao ser de carácter facultativo, esta información pode proporcionarse independentemente do mecanismo de recadación do   IVE á importación empregado.

É importante sinalar que este identificador da operación non é idéntico ao número do documento de transporte (por exemplo, o número do coñecemento aéreo para envíos urxentes ou o código de barras S10 para envíos postais), que é un número asignado ao envío polo operador do transporte.

O identificador da operación tampouco é idéntico ao número de identificación para os efectos do IVE da IOSS, senón que fai referencia á operación de venda (por exemplo, o número do pedido) e adoita asignaro o vendedor con fins comerciais, polo que é decisión súa determinar a súa estrutura, aínda que debe respectarse o formato esixido (an...35). Polo tanto, pode utilizarse un único rango numérico con independencia de que Estado membro sexa o de consumo ou o de importación.

No caso dos pedidos agrupados, o identificador da operación, en caso de proporcionarse, fai referencia aos pedidos individuais en relación co artigo da declaración en cuestión.