9. Modelo 303

• Supresión da predeclaración no modelo 303

Con efectos para o ano 2023, e de aplicación ás autoliquidacións correspondentes a 2023 e seguintes, suprímese a posibilidade de presentar o modelo 303 en papel impreso.

• Novo tipo do 5 por cento para as subministracións de electricidade

Con efectos para as autoliquidacións dos períodos que se inicien a partir do 1 de xullo de 2022, incluiranse nos recadros 01, 02 e 03 as bases impoñibles e cotas reportadas correspondentes ás subministracións de enerxía eléctrica facturados ao tipo do 5 por cento.

No caso de que deban autoliquidarse simultaneamente operacións ao tipo do 4 por cento e do 5 por cento, incluiranse no recadro 01 a suma das bases impoñibles correspondentes a ambos os dous tipos, no recadro 03 a suma das cotas correspondentes aos dous tipos e no recadro 02 indicarase o tipo ao que corresponda unha maior cota.

• Novidades 2023

Con efectos para as autoliquidacións correspondentes aos períodos de liquidación que se inicien a partir do 1 de xaneiro de 2023, están previstas as seguintes modificacións (pendentes de aprobación):

• Incorpóranse recadros específicos para a declaración de operacións aos tipos do 0 por cento e 5 por cento.

• Incorpóranse recadros específicos para facer posible a declaración individualizada por tipos da recarga de equivalencia.

• Modifícase a denominación do recadro B do apartado a cubrir no último período de liquidación polos suxeitos pasivos exonerados de presentar o modelo 390.

• Numérase o recadro D do apartado 6 do modelo 303.