Pro rata especial

Aplícase:

1. Por opción do suxeito pasivo. A devandita opción efectúase nos prazos e formas seguintes :

   • Na última autoliquidación do Imposto correspondente a cada ano natural, procedendose en tal caso, á regularización das deducións practicadas durante o mesmo.

   • Nos casos de inicio de actividades mediante a correspondente declaración censual, ata a finalización do prazo de presentación da autoliquidación correspondente ao período en que se produza o comezo da realización habitual das entregas de bens ou prestacións de servizos propios da actividade.

   A opción prové efectos en tanto non sexa revogada, aínda que, terá validez mínima de tres anos naturais, incluído o ano natural a que se refire a opción exercitada.

   A revogación poderá efectuarse na última autoliquidación do ano, procedendose en tal caso, á regularización das deducións practicadas no mesmo.

2. Obrigatoriamente cando aplicando a pro rata xeral a dedución exceda nun 10 por cento  de que resultaría aplicando a pro rata especial.

3. Obrigatoriamente polas entidades que exercitasen a opción polo nivel avanzado do Réxime Especial do grupo de entidades do IVE en relación co sector diferenciado das operacións intragrupo, segundo establece o artigo 63 bis.3 do RIVE.

Cálculo do IVE soportado deducible:

1. As cotas soportadas en bens ou servizos utilizados exclusivamente en operacións con dereito a dedución, dedúcense integramente.

2. As cotas soportadas en bens ou servizos utilizados exclusivamente en operacións sen dereito a deducir non poden deducirse.

3. As cotas soportadas en bens ou servizos utilizados só en parte en operacións con dereito a dedución dedúcense na porcentaxe da pro rata xeral.