10. Modelo 036

Con efectos do 3 de febreiro de 2025, a Orde HAC/1526/2024, do 11 de decembro, introduce as seguintes modificacións no modelo 036:

• Introdúcese como novo dato a comunicar no Censo de Obrigados Tributarios a identificación dos titulares reais das persoas xurídicas e entidades.

• Inclúese un novo recadro para solicitar a rehabilitación do número de identificación fiscal, así como outro recadro para solicitar a rehabilitación do número de identificación fiscal por entidades en proceso de liquidación.

• Co obxectivo de que, a través dos modelos 030 e 036, poida concederse de maneira independente a autorización para utilizar o número de teléfono e / ou o enderezo de correo electrónico fornecido para realizar avisos de carácter meramente informativo á Axencia Estatal de Administración Tributaria e aos órganos económico-administrativos do artigo 228.2 e 3 da LGT, modifícanse os devanditos modelos, ampliandose a opción de autorización á Dirección Xeral de Tributos e inclúese a app da AEAT como medio de recepción dos avisos informativos, aínda que o número de teléfono e / ou o enderezo de correo electrónico fornecido serán único para os tres organismos.