6. Modelos 362 e 363

Con efectos 15 de xullo de 2025, adáptase o sistema de presentación das solicitudes de reembolso das cotas do Imposto sobre o Valor Engadido soportado polos destinatarios das operacións exentas a que se refire o artigo 10.3 do Real decreto 3485/2000, do 29 de decembro, sobre franquías e exencións en réxime diplomático, consular e de organismos internacionais, e de modificación do Regulamento Xeral de Vehículos, aprobado polo Real decreto 2822/1998, do 23 de decembro, e o procedemento para solicitar o recoñecemento previo da exención correspondente ás operacións exentas a que se refiren a letra b) do artigo 3.1 e as letras a), b), c) d) e e) do artigo 12.1 do Real decreto 3485/2000.

Con efectos 15 de xullo de 2025, modifícanse o modelo 362 "Imposto sobre o Valor Engadido. Solicitude de reembolso no marco das relacións diplomáticas, consulares e dos Organismos Internacionais recoñecidos por España, en euros" e o modelo 363 "Imposto sobre o Valor Engadido. Solicitude de recoñecemento previo da exención no marco das relacións diplomáticas, consulares e dos Organismos Internacionais recoñecidos por España" e suprímese o modelo 362 “Imposto sobre o Valor Engadido. Solicitude de reembolso no marco das relacións diplomáticas, consulares e dos Organismos Internacións recoñecidas por España, en pesetas”.