Responsables do imposto

1. Establécese a responsabilidade solidaria no pagamento da débeda tributaria das seguintes persoas:

   1. Os destinatarios das operacións que mediante acción ou omisión culposa ou dolosa, eludan a correcta repercusión do imposto. A responsabilidade acadará á sanción que poida proceder.

   2. En caso de importacións de bens:

      • As asociacións garantes nos casos determinados nos Convenios Internacionais.

      • A RENFE, cando actúe en nome de terceiros en virtude de Convenios Internacionais.

      • As persoas ou entidades que actuen en nome propio e por conta dos importadores.

      • Serán responsable solidario do pagamento da débeda tributaria correspondente á entrega suxeita e non exenta posterior á saída do depósito fiscal, os titulares dos mesmos que permitan que as gasolinas, gasóleos e biocarburantes destinados a ser usados como carburante comprendido nos epígrafes 1.1, 1.2.1, 1.2.2, 1.3, 1.13 e 1.14 da tarifa 1.ª do artigo 50.1, da Lei 38/1992, do 28 de decembro, de Impostos Especiais, saian do depósito sen a acreditación dalgunha das seguintes circunstancias:

        • Que o extractor ou o titular do depósito é operador económico autorizado.

        • Que o extractor ou o titular do depósito é operador confiable.

        • Que existe aval suficiente, mediante certificación da Administración tributaria.

        • Xustificante do pagamento a conta do IVE correspondente á entrega posterior á saída do depósito fiscal que incorpore o Numero de Referencia Completa (NRC), o volume e a clase de produto a que se refire.

        O que se dispón neste punto aplicarase a partir do mes seguinte á entrada en vigor da Orde pola que se aproba o procedemento para recoñecer a condición de operador confiable e pola que se regula a creación e o mantemento dun rexistro de operadores confiables, pendente de aprobación na data de edición deste Manual.

2. Establécese a responsabilidade subsidiaria no pagamento da débeda tributaria das seguintes persoas:

   1. As persoas ou entidades que actuen en nome e por conta do importador.

   2. Os empresarios ou profesionais que sexan destinatarios de operacións en que debesen razoablemente presumir que o imposto repercutido ou que debese repercutirse non fose nin vaia a ser obxecto de ingreso.

      Considérase que se produce esta situación cando se satisfixese un prezo notoriamente anómalo.

      Enténdese por prezo notoriamente anómalo:

      • O que sexa sensiblemente inferior ao correspondente aos devanditos bens nas condicións en que se realizou a operación ou o satisfeito en adquisicións anteriores de bens idénticos.

      • O que sexa sensiblemente inferior ao prezo de adquisición dos devanditos bens por parte de quen efectuou a entrega.

      Non se considerará prezo notoriamente anómalo o que se xustifique pola existencia de factores económicos distintos á aplicación do imposto.

      Ademais de que se entenda que se satisfixo un prezo notoriamente anómalo, para declarar este tipo de responsabilidade esíxese outro requisito:

      A Administración tributaria deberá acreditar a existencia dun imposto repercutido ou que debese repercutirse que non foi obxecto de declaración e ingreso.

   3. Os titulares dos depósitos distintos dos aduaneiros do pagamento da débeda tributaria que corresponda á saída ou abandono dos bens destes depósitos.