Importe neto da cifra de negocios dos doce meses anteriores á data de inicio do período impositivo

De conformidade coa nova disposición adicional décimo quinta da LIS, e a disposición adicional oitava da Lei 20/1990, do 19 de decembro, sobre Réxime Fiscal das Cooperativas,  o contribuínte deberá incluír neste cadro da páxina 1 do modelo 200 información sobre o importe neto da cifra de negocios dos doce meses anteriores á data de inicio do período impositivo para os efectos de determinar, se procede, a aplicación da tributación mínima (recadro [00619]), os límites á compensación de bases impoñibles negativas (recadro [00547]), os límites á compensación de cotas por perdas das cooperativas (recadro [00561]), as correccións contables das dotacións ás que se refire o artigo 11.12 da LIS (recadro [00211]), e / ou os límites aplicables ás deducións por dobre imposición interna prevista no artigo 30 do RDLeg. 4/2004 e no  DT 23ª da LIS (recadros [00570], [01344] e [01280]), ás deducións por dobre imposición internacional dos artigos 31 e 32 do RDLeg . 4/2004 e 31 e 32 da LIS (recadros [00572], [00571], [00573]) e á dedución por transparencia fiscal internacional do artigo 100.10 da LIS (recadro [00575]).

Con esta finalidade, o contribuínte deberá indicar unha das situacións seguintes:

1. Contribuínte cuxo importe neto da cifra de negocios (INCN) sexa inferior a 20 millóns de euros durante os doce meses anteriores á data de inicio do período impositivo.

2. Contribuínte cuxo importe neto da cifra de negocios (INCN) sexa polo menos de 20 millóns de euros, pero inferior a 60 millóns de euros durante os doce meses anteriores á data de inicio do período impositivo.

3. Contribuínte cuxo importe neto da cifra de negocios (INCN) sexa polo menos de 60 millóns de euros durante os doce meses anteriores á data de inicio do período impositivo.