Excepcións á aplicación da limitación na deducibilidade dos gastos financeiros

A limitación na deducibilidade dos gastos financeiros netos non se aplicará:

• Ás entidades de crédito e aseguradoras.

  Con esta finalidade, recibirán o tratamento das entidades de crédito aquelas entidades cuxos dereitos de voto correspondan, directa ou indirectamente, integramente a aquelas, e cuxa única actividade consista na emisión e colocación no mercado de instrumentos financeiros para reforzar o capital regulador e o financiamento de tales entidades.

• No período impositivo en que se produza a extinción da entidade , non sendo que a mesma sexa consecuencia dunha operación de reestruturación.