Discrepancia de criterio administrativo para determinados supostos de autoliquidación rectificativa que non deban incluírse noutros recadros

Nos casos en que o motivo da presentación dunha autoliquidación rectificativa sexa a discrepancia de criterio administrativo, o contribuínte deberá indicaro marcando o devandito motivo no apartado «Autoliquidación rectificativa» da páxina 1 do modelo 200.

Nestes casos, o contribuínte deberá consignar na autoliquidación rectificativa o importe que considere correcto no recadro ou recadros correspondentes.

Só no caso de que isto non sexa posible, o contribuínte deberá cubrir o recadro [00031] «Discrepancia de criterio administrativo para determinados supostos de autoliquidación rectificativa que non deban incluírse noutros recadros »da páxina 14 bis do modelo 200, cuxo importe se terá en conta para calcular o resultado da autoliquidación rectificativa:

• No caso en que a entidade tribute exclusivamente na Administración de Estado, deberá consignar o importe no recadro [00032] «Discrepancia de criterio administrativo para determinados supostos de autoliquidación rectificativa que non deban incluírse noutros recadros (Estado)» da páxina 14 bis do modelo 200. Neste caso, o importe do recadro [00032] coincidirá co do recadro [00031].

• No caso en que a entidade tribute ante unha ou varias Deputacións Forais da Comunidade Autónoma do País Vasco e / ou Comunidade Foral navarra, deberá consignar o devandito importe no recadro [00466] «Discrepancia de criterio administrativo para determinados supostos de autoliquidación rectificativa que non deban incluírse noutros recadros (D. Forais/Navarra)». A formalización deste recadro realizarase na páxina 26 do modelo 200.