Prazo de presentación do modelo 202
Con carácter xeral
O pagamento fraccionado debe realizarse durante os primeiros vinte días naturais dos meses de abril (1/P), outubro (2/P) e decembro (3/P).
Os vencementos de prazo que coincidan cun sábado ou día inhábil entenderanse trasladados ao primeiro día hábil inmediato seguinte.
O devandito pagamento fraccionado realízase a conta da liquidación do Imposto sobre Sociedades correspondentes ao período impositivo que estea en curso o día primeiro dos meses de abril, outubro e decembro.
No caso de que se domicilie o pagamento do pagamento fraccionado, o prazo de domiciliación é do 1 ao 15 dos meses de abril, outubro e decembro.
Especialidades relativas aos pagamentos fraccionados forais
Se os contribuíntes están sometidos a normativa foral de Navarra e tributan conxuntamente a ambas as dúas Administracións, Navarra e Estatal, a presentación da autoliquidación modelo 202 e 222, efectuarase durante os vinte primeiros días naturais do mes de outubro de cada ano.
Se os contribuíntes están sometidos a normativa foral do País Vasco e tributan conxuntamente a ambas as dúas Administracións, vasca e Estatal, a presentación da autoliquidación modelo 202 e 222, efectuarase durante os vinte e cinco primeiros días naturais do mes de outubro de cada ano.
Para ter en conta:
De forma adicional, e para permitir que tecnicamente os contribuíntes sometidos a normativa foral do País Vasco poidan presentar estas autoliquidacións de acordo co período de ingreso e domiciliación establecida na súa propia norma foral creouse un novo recadro do período anual.
De acordo co anterior, os contribuíntes sometidos a normativa de territorio foral de Navarra marcarán 2P como clave período. Os contribuíntes sometidos a normativa de territorio foral de Gipuzkoa, Bizcaia ou Araba, marcarán 0A como clave período.
No caso de contribuíntes que, estando sometidos a normativa foral, tributen conxuntamente a ambas as dúas Administracións, foral e estatal, domiciñien o pagamento, o prazo de presentación do modelo 202 finalizará 5 días naturais antes do prazo aprobado pola normativa foral para a súa presentación.