Liberdade de amortización en determinados vehículos e en novas infraestruturas de recarga

O artigo 4. Un do Real Decreto-lei 4/2024, do 26 de xuño, con efectos para os períodos impositivos que se inicien a partir do 1 de xaneiro de 2024 e que non concluísen á entrada en vigor deste Real Decreto-lei (28 de xuño de 2024), modifica a disposición adicional décimo oitava da LIS, substituíndo a amortización acelerada prevista ata entón, para os investimentos en vehículos novos FCV, FCHV, BEV, REEV ou PHEV, segundo definición do anexo II do Regulamento Xeral de Vehículos, aprobado polo Real decreto 2822/1998, do 23 de decembro, ou en novas instalacións de recarga, tanto de uso privado como as accesibles ao público, de vehículos eléctricos, por unha liberdade de amortización, desde que os devanditos elementos estean afectos a actividades económicas e entren en funcionamento nos períodos impositivos que se inicien nos anos 2024 e 2025.

Para a aplicación deste suposto de amortización acelerada deberase achegar a documentación técnica preceptiva, segundo as características da instalación, en forma de Proxecto ou Memoria, prevista no Real decreto 842/2002, do 2 de agosto, e obter o certificado de instalación eléctrica dilixenciado pola Comunidade Autónoma competente.

Pode consultar as particularidades deste incentivo no Capítulo 5 deste Manual Práctico.