Modificación da limitación na deducibilidade de gastos financeiros

Con efectos para os períodos impositivos que se inicien a partir do 1 de xaneiro de 2024, a disposición final quinta da Lei 13/2023, do 24 de maio, modifica o artigo 16 da LIS co obxectivo de terminar de adaptaro á Directiva (UE ) 2016/1164 do Consello, do 12 de xullo de 2016.

Con esta finalidade, establécense as seguintes novidades:

• Modifícase o artigo 16.1 da LIS para excluír da determinación do beneficio operativo os ingresos, gastos ou rendas que non se integrasen na base impoñible deste Imposto.

• Modifícase o artigo 16.6 da LIS para excluír da non aplicación da limitación prevista no devandito artigo aos fondos de titulización hipotecaria, regulados na Lei 19/1992, do 7 de xullo, e os fondos de titulización de activos a que se refire a Disposición adicional quinta.2 da Lei 3/1994, do 14 de abril.

Pode consultar as particularidades desta limitación no Capítulo 5 deste Manual Práctico.