Tributación mínima

Con efectos para os períodos impositivos iniciados a partir do 1 de xaneiro de 2025, coa finalidade de axeitar a determinación da cota líquida mínima aos tipos gravame do artigo 29.1 da LIS, o apartado Catro da disposición final oitava da Lei 7/2024 modifica o apartado 1 do artigo 30 bis da LIS da seguinte forma:

• No caso de entidades cuxo importe neto da cifra de negocios do período impositivo inmediato anterior sexa inferior a 1 millón de euros, aos efectos de determinar a cota líquida mínima á que se refire o primeiro parágrafo do apartado primeiro do artigo 30 bis da LIS , a porcentaxe sinalada no mesmo será o resultado de multiplicar a escala prevista no artigo 29.1 da LIS por quince vinte e cincoavos, redondeado por exceso.

• No caso de entidades que cumpran os requisitos previstos no artigo 101 da LIS para aplicar o réxime das empresas de reducida dimensión, a porcentaxe sinalada no parágrafo anterior será o resultado de multiplicar o tipo de gravame previsto no artigo 29.1 da LIS por quince vinte e cincoavos, redondeado por exceso.