IX.4.3. Seguridade dos vehículos ou colectores
Anexo 2 do Convenio TIR
Xa que rexe o principio de mutuo recoñecemento dos controis aduaneiros, resulta fundamental que a aduana de partida garanta que o vehículo ou colector fose autorizado para o transporte de mercadorías ao abeiro dun caderno TIR. Na maioría dos casos, e de conformidade coa análise de riscos, esta práctica limítase ao exame do certificado de aprobación do vehículo. Porén, é preciso ter en conta que os devanditos certificados poden falsificarse facilmente. Sen certificado de aprobación ou cun que non sexa válido, a operación TIR non poderá iniciarse.