IX.6.3. Proba alternativa da finalización

Artigo 281 do AE

As autoridades aduaneiras dun Estado membro de partida ou de entrada poderán aceptar como proba alternativa de que a operación TIR finalizou calquera documento certificado pola autoridade aduaneira do Estado membro de destino ou de saída en que se presentasen as mercadorías.

Esta proba alternativa deberá identificar as mercadorías e establecer que foron presentadas na aduana de destino ou de saída ou entregadas a un destinatario autorizado.

O titular do caderno TIR ou a asociación garante poderán presentar así mesmo como proba alternativa a satisfacción da autoridade aduaneira dun Estado membro de partida ou de entrada un dos seguintes documentos de identificación das mercadorías:

• un documento ou rexistro aduaneiro, certificado pola autoridade aduaneira dun Estado membro, en que se faga constar que as mercadorías saíron fisicamente do territorio aduaneiro da Unión;
• un documento aduaneiro expedido nun terceiro país en que as mercadorías se inclúan nun réxime aduaneiro;
• un documento expedido nun terceiro país e visado polas autoridades aduaneiras do mesmo en que se certifique que as mercadorías se consideran despachadas a libre práctica nese país.

Pode presentarse como proba unha copia dos documentos mencionados compulsada polas autoridades.

Artigo 280, apartado 8, do AE

A aduana encargada da investigación informará o titular do caderno TIR e á asociación garante de se aceptou ou non a proba alternativa presentada como proba da finalización do réxime TIR. Corresponderá así mesmo á aduana encargada da investigación comunicar ao titular do caderno TIR calquera proba que avale a ultimación do réxime que quedou sen cobertura na aduana durante o procedemento de investigación.