IX.7.1. Introdución

Como principio xeral, as mercadorías transportadas ao abeiro do réxime TIR deberán presentarse na aduana de destino acompañadas do vehículo, o caderno TIR e o NRM da operación TIR.

Porén, o destinatario autorizado poderá recibir as mercadorías nos seus locais ou nalgún outro lugar autorizado sen necesidade de presentaras, canda o vehículo, o caderno TIR ou o NRM da operación TIR, na aduana de destino.

Artigo 230 do CAU
Artigos 186 a 187 do AD
Artigo 282 do AE

Os procedementos relativos ao destinatario autorizado TIR baséanse nos xa vixentes en materia de tránsito común/da Unión. Así pois, é preciso aterse aos procedementos establecidos na parte VI.

Fronte ao réxime TIR ordinario, a autorización como destinatario autorizado só aplícase en relación coas operacións TIR en que o lugar de descarga final corresponde aos locais establecidos nesa autorización.