V.1.3. Selo utilizado en caso de aplicarse o procedemento de continuidade das actividades

A declaración de tránsito en soporte papel utilizada para un procedemento de continuidade das actividades deberá ser recoñecible por todas as partes implicadas na operación de tránsito, a fin de evitar problemas na aduana ou as aduanas de camiño e na aduana de destino.

Para tal fin, nos exemplares da declaración de tránsito en soporte papel deberá indicarse que se está aplicando un procedemento de continuidade das actividades mediante a colocación dun selo (dimensións: 26 × 59 mm) no recadro A do DUA ou no recadro NRM do DAT . Este selo poderá ir preimpreso no DUA ou o DAT.

• O documento será selado pola aduana de partida cando se aplique o procedemento ordinario ou polo expedidor autorizado cando se utilice o procedemento simplificado.
• O anexo V.1.8.1 recolle os selos utilizados no procedemento de continuidade das actividades nos diferentes idiomas da Unión.

Notese que son admisibles tanto o anterior selo introducido co Regulamento (CEE) n.º 2913/92 do Consello, polo que se aproba o Código Aduaneiro Comunitario, como o novo selo introducido polo CAU. Poderase seguir utilizando os selos anteriores ata o esgotamento das existencias.