V.1.5. Fallo temporal do sistema informatizado utilizado polo titular do réxime

Neste apartado compréndense os seguintes casos:

• o sistema informatizado do titular do réxime non está operativo;
• a conexión electrónica entre o sistema informatizado utilizado polo titular do réxime e o NCTS non está operativa.

O recurso ao procedemento de continuidade das actividades deberá ser autorizado previamente polas autoridades aduaneiras. A fin de obter a devandita autorización, o titular do réxime, independentemente de que utilice o procedemento ordinario ou o simplificado, deberá notificar ás devanditas autoridades por fax, correo electrónico ou outro medios o motivo do recurso ao procedemento de continuidade das actividades e a data de inicio do mesmo.

Cando as autoridades aduaneiras teñan a certeza de que a conexión non está verdadeiramente operativa, comunicarán ao titular do réxime a súa autorización para utilizar o procedemento de continuidade das actividades. Ademais, poderán solicitar a achega de probas ao respecto ou efectuar controis. Non obstante, as autoridades aduaneiras denegarán a autorización no caso de que o mesmo titular do réxime comunique sistematicamente a non dispoñibilidade do sistema.

A autoridade aduaneira controlará a utilización do procedemento de continuidade das actividades, a fin de evitar que se abuse del .

No caso de que un expedidor autorizado presente anualmente máis dun 2 %das súas declaracións de aduanas acollendose ao procedemento de continuidade das actividades debido ao fallo do sistema informatizado ou da conexión electrónica entre o devandito sistema e o NCTS, procederase á revisión da súa autorización a fin de determinar se segue cumprindo as condicións correspondentes ao procedemento de continuidade das actividades.