1.III.6.1. Recoñecemento como socio que garante a seguridade e a protección

Considérase que o AEO que cumpre os criterios de protección e seguridade é un socio que garante a seguridade e a protección na cadea de subministración. Iso supón que o AEO fai todo o posible para reducir as ameazas existentes nas cadeas en que se encontra integrado. O estatuto de AEO, incluída a posibilidade de utilizar o logotipo de AEO, eleva a súa reputación. Aínda que non cómpre traballar unicamente con AEO, ao establecer novas relacións comerciais o estatuto de AEO terá unha influencia positiva. Convén sinalar que os operadores poden verificar a lista de AEO que accederon a que os seus datos se publiquen no sitio web de TAXUD.