Regra xeral de valoración

Os bens inmobles de natureza urbana ou rústica, computaranse tomando como referencia  o maior valor dos tres seguintes:

1. O valor catastral  consignado no recibo correspondente a 2019 do Imposto sobre  Bens Inmobles.
2. O valor comprobado pola Administración para os efectos doutros tributos , como, por exemplo, o Imposto sobre Transmisións Patrimoniais e Actos Xurídicos Documentados ou o Imposto de Sucesións e Doazóns.
3. O prezo, contraprestación ou valor de adquisición. En relación con estes termos, debe precisarse que o prezo se refire ás operacións de compravenda, a contraprestación ás permutas e o valor de adquisición aos supostos de sucesións ou doazóns.