Para suxeitos pasivos por obriga persoal residentes nalgunha Comunidade Autónoma

A Lei 22/2009, do 18 de decembro, pola que se regula o sistema de financiamento das  Comunidades Autónomas de réxime común e Cidades con Estatuto de Autonomía e modifícanse determinadas normas tributarias (BOE do 19), establece no seu artigo 47 que as  Comunidades Autónomas poderán asumir no Imposto sobre o Patrimonio, entre outras competencias  normativas, as relativas á determinación do mínimo exento.

En consecuencia, a base impoñible reducirase,  exclusivamente no suposto de obriga  persoal de contribuír, no importe que fose aprobado pola Comunidade Autónoma  en concepto de mínimo exento.

Se a Comunidade Autónoma non regulase o mínimo exento, a base impoñible  reducirase en 700.000 euros, contía establecida para estes fins no artigo 28 da Lei  19/1991, do 6 de xuño, do Imposto sobre o Patrimonio.

O importe do mínimo exento aplicable en 2019 polos contribuíntes do Imposto sobre o  Patrimonio por obriga persoal é, con carácter xeral, de 700.000 euros, agás nas  seguintes Comunidades Autónomas:

• Aragón⁽¹⁾: o importe do mínimo exento se fixa en 400.000 euros
• Cataluña ⁽²⁾: o importe do mínimo exento se fixa en 500.000 euros.
• Estremadura⁽³⁾:

  Con carácter xeral, o importe do mínimo exento se fixa en 500.000 euros.

  Non obstante, para os contribuíntes que foren discapacitados, ese mínimo será o seguinte:

  1. 600.000 euros, se o grao de discapacidade fóra igual ou superior ao 33 e inferior ao 50 por 100
  2. 700.000 euros, se o grao de discapacidade fóra igual ou superior ao 50 e inferior ao 65 por 100

  3. 800.000 de euros, se o grao de discapacidade fóra igual ou superior ao 65 por 100.

  Para aplicar o mínimo exento que corresponda, o contribuínte deberá ter recoñecida unha  incapacidade permanente, estar incapacitado xudicialmente ou ter recoñecido algún dos  graos de discapacidade que se indican. 

  Con esta finalidade, o grao de discapacidade ou a incapacitación serán recoñecida ou declaradas polo  órgano  administrativo ou xudicial competente, de acordo coa normativa aplicable. 

• Comunitat Valenciana ⁽⁴⁾

  Con carácter xeral, o importe do mínimo exento se fixa en 600.000 euros. 

  Non obstante, para os contribuíntes con discapacidade psíquica, cun grao de discapacidade  igual ou superior ao 33 por 100, e para contribuíntes con discapacidade física ou sensorial,  cun grao de discapacidade igual ou superior ao 65 por cento, o importe do mínimo exento  elévase a 1.000.000 euros. 

⁽¹⁾ Véxase o artigo 150-2 do texto refundido das disposicións ditadas pola Comunidade Autónoma de Aragón en materia de tributos cedidos aprobado polo Decreto Lexislativo 1/2005, do 26 de setembro, do Goberno de Aragón.^(Volver)

⁽²⁾ Véxase o artigo 2 da Lei 31/2002, do 30 de decembro, de medidas fiscais e administrativas.^(Volver)

⁽³⁾ Véxase o artigo 14 do texto refundido das disposicións legais da Comunidade Autónoma de Extremadura en materia de tributos cedidos polo Estado, aprobado polo Decreto Lexislativo 1/2018, do 10 de abril.^(Volver)

⁽⁴⁾ Véxase o artigo 8 da Lei 13/1997, do 23 de decembro, pola que se regula o tramo autonómico do imposto sobre a renda das persoas físicas e restantes tributos cedidos.^(Volver)