O Imposto sobre o Patrimonio

Normativa: Arts. 1, 2,1 e 3 lei Imposta Patrimonio

O  Imposto sobre o Patrimonio é un tributo de carácter directo e natureza persoal que  grava o patrimonio neto das persoas físicas.

Constitúe o patrimonio neto da persoa física o conxunto de bens e dereitos de contido económico de que a mesma sexa titular, con dedución das cargas e gravames que diminúan o seu valor, así como das débedas e obrigas persoais de que o seu titular deba responder.

Ademais, presúmese que forman parte do patrimonio do suxeito pasivo os bens e dereitos que pertencesen ao mesmo no momento da anterior devindicación, agás proba de transmisión ou perda patrimonial.

O Imposto sobre o Patrimonio aplícase en todo o territorio nacional, sen prexuízo dos réximes tributarios forais de Concerto e Convenio Económico vixentes nos Territorios Históricos do País Vasco e da Comunidade Foral de Navarra, respectivamente, e do que se dispón nos Tratados ou Convenios Internacionais que pasasen a formar parte do ordenamento interno.