Para contribuíntes residentes na Comunidade Autónoma das Canarias

Normativa: Art. 29 do Texto Refundido das disposicións legais vixentes ditadas pola comunidade autónoma das Canarias en materia de tributos cedidos, aprobado por Decreto-lexislativo 1/2009, do 21 de abril

Ademais das exencións anteriormente comentadas, os contribuíntes residentes no territorio  da Comunidade Autónoma das Canarias poderán aplicar a exención dos bens e  dereitos de contido económico que cumpran os seguintes requisitos:

• Que estean computados para a determinación da súa base impoñible e,

• Que formen parte do patrimonio especialmente protexido do contribuínte, constituído  ao abeiro da Lei 41/2003, de protección patrimonial das persoas con discapacidade  e de modificación do Código Civil, da Lei de Enxuizamento Civil e da normativa  tributaria con esta finalidade.