5. Valores representativos da participación nos fondos propios de calquera tipo de entidade

Normativa: Arts. 15 e 16 Lei Imposta Patrimonio

Teñen tal consideración as accións e participacións no capital social ou fondos propios de entidades xurídicas, Sociedades e Fondos de Investimento.

Estes valores, con excepción das accións e participacións nas Institucións de Investimento  Colectiva, poden resultar exentos do imposto se o titular dos mesmos cumpre os requisitos  establecidos para ese fin e que se comentan no apartado relativo ás  exencións  no Capítulo 2 deste Manual. Resulten ou non exentos, estes valores deben incluírse no apartado que correspondan da  declaración, valorandose de acordo coas regras seguintes:

Lembre: o concepto de “mercados organizados” a que se refire o artigo 15 da Lei 19/1991 é máis amplo que o de mercado secundario oficial ou mercado regulado e inclúe os denominados sistemas multilaterais de negociación" como é  o Mercado Alternativo Bolsista.

A. Accións e participacións no capital social ou no fondo patrimonial de Institucións de Investimento Colectivo (Sociedades e Fondos de Investimento), negociadas en mercados organizados

As accións e participacións no capital social ou no fondo patrimonial das Institucións  de Investimento Colectivo negociadas en mercados organizados  deben computarse polo  seu  valor liquidativo á data de devindicación do imposto  (31 de decembro), valorando os  activos incluídos no balance de acordo coas normas que se recollen na súa lexislación  específica e sendo deducibles as obrigas para con terceiros.

Para facilitar a correcta aplicación desta regra de valoración, as entidades están obrigadas a  subministrar aos seus socios, asociados ou partícipes un certificado en que conste a valoración das  súas  respectivas accións e participacións.

B. Accións e participacións no capital social ou nos fondos propios de calquera outras entidades xurídicas, negociadas en mercados organizados

As accións e participacións no capital social ou nos fondos propios de calquera  entidades xurídicas, negociadas en mercados organizados computaranse polo seu valor de negociación media no cuarto trimestre de cada ano.

Con esta finalidade, a relación de valores negociados en mercados organizados, co seu valor de  negociación medio correspondente ao cuarto trimestre de 2021, para os efectos da declaración do   Imposto sobre o Patrimonio do ano 2021 e da declaración informativa anual acerca de  valores, seguros e rendas recóllese na Orde  HFP /115/2022, do 23 de febreiro (BOE do 25 - corrección de erros BOE 24  de marzo).

Importante:  cando se trate de subscrición de novas accións non admitidas aínda a  cotización oficial, emitidas por entidades xurídicas que coticen en mercados organizados,  tomarase como valor destas accións o da última negociación dos títulos antigos  dentro do período de subscrición.

Nos supostos de ampliacións de capital pendente de desembolso, a valoración das accións farase de acordo coas normas anteriores, coma se estivesen totalmente desembolsadas, incluíndo a parte pendente de desembolso como débeda do suxeito pasivo.

C. Acciones e participacións no capital social ou no fondo patrimonial de Institucións de Investimento Colectivo (Sociedades e Fondos de Investimento), non negociadas en mercados organizados

A valoración das accións e participacións no capital social ou no fondo patrimonial  de Institucións de Investimento Colectivo non negociadas en mercados organizados  efectuarase  polo valor liquidativo dos mesmos na data da devindicación do imposto , valorando os  activos incluídos no balance de acordo coas normas que se recollen na súa lexislación  específica e sendo deducibles as obrigas para con terceiros.

Para facilitar a correcta aplicación desta regra de valoración, as entidades están obrigadas a  subministrar aos seus socios, asociados ou partícipes, un certificado en que conste a valoración das  súas  respectivas accións e participacións.

D. Accións e participacións no capital social ou nos fondos propios de calquera outras entidades xurídicas non negociadas en mercados organizados, incluídas as participacións no capital social de Cooperativas

• Participacións no capital social de Cooperativas

  A valoración das participacións dos socios ou asociados no capital social das cooperativas  determinarase en función do   importe total das achegas sociais desembolsadas,  obrigatorias ou voluntarias, resultante do último balance aprobado,  con dedución, se é o caso,  das perdas sociais non reintegradas.

• Participacións no capital social doutras entidades

  A valoración das citadas accións e participacións, efectuarase segundo  o valor teórico  resultante do último balance aprobado, sempre que este, ben de maneira obrigatoria ou  voluntaria, fose sometido a revisión e verificación e  o informe de auditoría resultase  favorable.

  No caso de que o balance non fose debidamente auditado  ou o informe de auditoría  non resultase favorable, a valoración realizarase polo maior valor dos tres seguintes:

  1. Valor nominal.

  2. Valor teórico resultante do último balance aprobado.

     As Sentenzas do Tribunal Supremo do 12 de febreiro e 14 de febreiro de 2013, en atención a un criterio "favorable ao mellor achegamento á realidade económica da base impoñible do tributo ”interpretan que ten que tomarse como punto de referencia o balance aprobado dentro do prazo legal para a presentación da autoliquidación polo imposto, de xeito que “se nesta data está aprobado o exercicio que se liquida, aínda cando isto acontecese con posterioridade á data da devindicación, terá que ser porén o tido en conta ”.

  3. Valor resultante de capitalizar ao tipo do 20 por 100 o termo medio dos beneficios da  entidade nos tres exercicios sociais cerrados con anterioridade á data da devindicación do Imposto  (31 de decembro). Dentro dos beneficios computaranse os dividendos distribuídos  e as asignacións a reservas, excluídas as de regularización ou de actualización de balances.

     Para o cálculo da devandita capitalización pode utilizarse a seguinte fórmula:

     Valor = [(B₁ + B₂ + B₃ ) ÷ 3] x (100 ÷ 20)

     Onde: B₁, B₂  e B₃  son os beneficios de cada un dos tres exercicios sociais cerrados con anterioridade á data de devindicación do Imposto.

Para a correcta aplicación destas regras de valoración, as entidades están obrigadas a subministrar  aos seus socios, asociados ou partícipes, certificados contendo as valoracións das súas  respectivas accións e participacións.