Forma de presentación: Presentación obrigatoria por Internet

Obriga de presentar electronicamente por Internet

Os suxeitos pasivos do Imposto sobre o Patrimonio deberán realizar de forma obrigatoria a presentación electrónica por Internet da declaración correspondente a este imposto (modelo 714).

Así mesmo  cando  presenten declaración polo Imposto sobre o Patrimonio, os contribuíntes do IRPF estarán obrigados a presentar electronicamente, por Internet ou por teléfono, a declaración correspondente a este  ou o borrador da mesma .

Presentación electrónica por Internet

A declaración do Imposto sobre o Patrimonio presentarase de forma obrigatoria por vía electrónica a través de Internet, de acordo co que se establece nos apartados a) e c) do artigo 2 da Orde HAP/2194/2013, do 22 de novembro, pola que se regulan os procedementos e as condicións xerais para a presentación de determinadas autoliquidacións, declaracións informativas, declaracións censuais, comunicacións e solicitudes de devolución, de natureza tributaria, debendose ter en conta o seguinte:

1. As autoliquidacións do Imposto sobre o Patrimonio deberán confeccionarse desde o formulario web do modelo 714 ao que poderá acceder utilizando a opción "Servizo tramitación de declaración de Patrimonio", dispoñible na Sede electrónica da Axencia Estatal de Administración Tributaria, no enderezo electrónico  https://sede.agenciatributaria.gob.es.

2. A presentación electrónica por Internet pode realizarse utilizando os seguintes sistemas electrónicos de identificación, autenticación e sinatura:

   • Certificado electrónico recoñecido emitido de acordo co previsto no artigo 2. a).1.º da Orde HAP/2194/2013, do 22 de novembro.

   • Sistema Cl@ve Móbil  de acordo co previsto no artigo 2. a).2.º da Orde HAP/2194/2013, do 22 de novembro.

     Véxase a Orde PRE /1838/2014, pola que se publica o Acordo de Consello de ministros, do 19 de setembro de 2014, polo que se aproba Cl@ve, a plataforma común do Sector Público Administrativo Estatal para a identificación, autenticación e sinatura electrónica mediante o uso de claves concertadas (BOE do 9 de outubro).

   • Número de referencia : como en exercicios anteriores, poderán tamén presentarse electronicamente por Internet mediante a consignación do Número de Identificación Fiscal (NIF ) do obrigado tributario ou obrigados tributarios e do número ou números de referencia postos a disposición do contribuínte pola Axencia Estatal de Administración Tributaria para o IRPF.