Por investimento en empresas agrarias

Normativa: Art. 13 ter.Dous Texto Refundido das disposicións legais da Comunidade Autónoma de Galicia en materia de tributos cedidos polo Estado, aprobado por Decreto Lexislativo 1/2011, do 28 de xullo

Requisitos para a aplicación da dedución

• Que os bens ou dereitos de contido económico computados para a determinación da base impoñible sexan:

  1. Participacións no capital social de:

     1.º Sociedades de fomento forestal reguladas na Lei 7/2012, do 28 de xuño, de montes de Galicia.

     2.º Entidades agrarias, cooperativas agrarias ou de explotación comunitaria da terra que teñan por obxecto exclusivo actividades agrarias.

     3.º As entidades que teñan por obxecto a mobilización ou recuperación das terras agrarias de Galicia, ao abeiro dos instrumentos previstos na Lei 11/2021, de 14, de maio, de recuperación da terra agraria de Galicia.

  2. Préstamos realizados a favor das mesmas entidades citadas na letra a) anterior, así como garantías que o contribuínte constitúa persoalmente a favor destas entidades.

  3. Participacións dos socios capitalistas en contas en participación constituída para o desenvolvemento de actividades agrarias e en que o partícipe xestor sexa algunha das entidades citadas na letra a) anterior.

• Os investimentos ás que sexa aplicable a dedución deben formalizarse en escritura pública, na que debe especificarse a identidade dos contribuíntes que pretendan aplicar esta dedución e o importe da operación respectiva.

• Os investimentos realizados deben manterse no patrimonio do contribuínte durante un período mínimo de cinco anos, computado a partir do día seguinte á data en que se formalice a operación en escritura pública. No caso de operacións de financiamento, o prazo de vencemento deberá ser superior ou igual a cinco anos, sen que se poida amortizar unha cantidade superior ao 20 %anual do importe do principal. Durante ese mesmo prazo de cinco anos deben manterse as garantías constituídas.

Contía da dedución

• O 100 por 100 da parte da cota que proporcionalmente corresponda aos mencionados bens ou dereitos.

• No caso de participacións no capital social de entidades [apartadas a) dos bens ou dereitos de contido económico que se indican no apartado anterior], a dedución soa aplicarase ao valor destas , determinado segundo as regras deste imposto, na parte que corresponda á proporción existente entre os activos necesarios para o exercicio da actividade agraria, rebaixados no importe das débedas derivadas da mesma, e o valor do patrimonio neto da entidade. Para determinar esta proporción tomarase o valor que se deduza da contabilidade, sempre que esta reflicta fielmente a verdadeira situación patrimonial da entidade.

• No caso de préstamos ou participacións en contas en participación [apartada b) e c) dos bens ou dereitos de contido económico que se indican no apartado anterior], a dedución soa aplicarase ao importe que financie a actividade agraria da entidade, entendendose que financian esta actividade na parte que resulte de aplicar á súa contía total a proporción determinada conforme ao previsto no parágrafo anterior.

Incompatibilidade

Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.

Así mesmo esta dedución é incompatible coa dedución "Por creación de novas empresas ou ampliación da actividade de empresas de recente creación"