Comunitat Valenciana

A Comunitat Valenciana aprobou para 2025 a seguinte dedución autonómica no Imposto sobre o Patrimonio:

Normativa: Art. 9 bis  Lei 13/1997, do 23 de decembro, pola que se regula o tramo autonómico do Imposto sobre a Renda das Persoas Físicas e restantes tributos cedidos

Supostos de aplicación:

Esta dedución será de aplicación nos seguintes supostos:

• Polo investimento en accións ou participacións en Empresas Emerxentes da Comunitat Valenciana

• Polos préstamos concedidos a favor de empresas emerxentes da Comunitat Valenciana.

En ambos os dous casos, a dedución aplicarase respecto da parte da cota íntegra autonómica do Imposto sobe o Patrimonio que corresponda de forma proporcional ao valor das accións, participacións ou préstamos sinalados con anterioridade.

Requisitos para a aplicación da dedución

• Respecto das empresas emerxentes

  As accións, participacións ou préstamos deberán referirse a empresas emerxentes da Comunitat Valenciana.

• Respecto do obxecto do investimento

  • En caso de investimento en accións ou participacións en empresas emerxentes, estas deberán permanecer no patrimonio do contribuínte durante un período mínimo de tres anos.

  • No suposto de préstamos concedidos:

    • O prazo de vencemento dos préstamos deberá ser igual ou superior a tres anos.

    • Non poderá amortizarse máis do 40 por 100 anual do importe do principal.

Contía da dedución

O 100 por 100 da parte da cota autonómica que proporcionalmente corresponda ao :

• valor das accións ou participacións en empresas emerxentes da Comunitat Valenciana, e

• valor dos préstamos concedidos a favor das devanditas empresas.

Perda do dereito á dedución practicada

O incumprimento dos requisitos previstos sinalados con anterioridade,  determinará a perda desta dedución.