Preguntas frecuentes sobre cita previa

“LEMBRE levar os DATOS E DOCUMENTOS necesarios para poder realizar a declaración, en caso contrario non lle poderán atender”

En todo caso débese de levar:

• DNI orixinal do titular que acode á cita e fotocopia do DNI de todos os que figuren na declaración.
• Autorización asinada por outros declarantes e a súa fotocopia do DNI (membros da unidade familiar ou terceiros) para realizar a declaración no seu nome.
• Número IBAN de conta bancaria.
• Referencias catastrais de todos os inmobles da súa propiedade ou en que viva de alugamento ou noutras circunstancias. 

Ademais, os documentos que se indican segundo o tipo de renda que vostede percibise:

Rendementos de traballo :

• Certificado emitido polo pagador.
• Documentación relativa ao despedimento ou cesamento: importe da indemnización, data de acordo do despedimento ou cesamento, de aprobación do expediente de regulación de emprego ou de apertura do período de consultas á autoridade laboral, en caso de despedimento colectivo. 

Rendementos do capital inmobiliario (alugamentos de pisos, locais, prazas de garaxe …): relación e xustificantes de ingresos (contratos …) e gastos deducibles (facturas …).

Rendementos do capital mobiliario : certificados de empresas, entidades financeiras e de seguros, contratos, recibos de gastos, etc.

Rendementos de actividades económicas en estimación obxectiva (módulos): documentos acreditativos dos elementos ou parámetros da actividade utilizados durante o ano. Segundo a actividade, por exemplo, persoal empregado, consumo de enerxía eléctrica, superficie do local, potencia fiscal do vehículo, ingresos, libros de bens de investimento, etc. 

Ganancias e perdas patrimoniais 

• Por venda de vivenda habitual:
  • Escrituras de compra e de venda.
  • Datas de adquisición e transmisión.
  • Importes reais, gastos e tributos de compra e venda.
  • As declaracións dos exercicios nos que se practicaron deducións pola vivenda transmitida. 
  • Datos de préstamos hipotecarios e o capital pendente de amortizar no día de venda. 
• Transmisións de inmobles adquiridos por herdanza:
  • Escritura de adxudicación ou aceptación da herdanza.
  • Datas de adquisición e transmisión.
  • Importes reais, gastos e tributos de adquisición e venda.
• Por vendas de accións, inmobles ou outros bens, fondos de investimento, premios, etc.:
  • Escrituras e / ou documentación acreditativa.
  • Datas de adquisición e transmisión.
  • Importes reais, gastos e tributos de compra e venda.
  • Certificados de fondos de investimento. 
• Por subvencións percibidas: xustificante das mesmas.

Regularización 

• Por devolución de intereses percibidos de cláusulas solo:

  • Certificado da entidade financeira indicando os exercicios aos que corresponde o interese excesivo cobrado por cláusulas solo nulas. 

  • Declaracións de exercicios non prescritos en que se practicou dedución por vivenda habitual, ou incluíronse dentro dos gastos deducibles de rendementos de actividades económicas ou capital inmobiliaria. 

Outros documentos

• Por adquisición de vivenda habitual con ampliación do préstamo: saldos pendentes de amortizar do préstamo orixinal.
• Con hipoteca: recibos dos seguros.
• Por alugamento de vivenda: NIF do arrendador e cantidades pagas polo alugamento.
• Por donativos: os xustificantes, etc.… 

Para axilizar a confección da declaración de Renda pódense levar os datos necesarios apuntados no  formulario "Datos para axilizar a declaración de renda"; ademais, se é outra persoa a que vai acudir á cita para xestionar o seu borrador ou declaración,  deberá levar tamén o modelo de autorización:

Poderán solicitar cita previa para confeccionar a declaración de Renda os contribuíntes que obtivesen en 2016:

• Rendementos do traballo, co límite de 65.000 € anuais
• Rendementos do capital mobiliario, co límite de 15.000 € anuais.
• Rendementos do capital inmobiliario co límite de 1 ben inmoble con 1 contrato de alugamento. 
• Ganancias e perdas patrimoniais suxeitas a retención ou ingreso a conta (IIC, fondos de investimento e premios), subvencións (agás de actividades económicas) e transmisión de vivenda habitual con exención total.
• Imputación do réxime de rendas inmobiliarias.
• Todas as rendas anteriores derivadas do réxime de atribución de rendas.

Tamén se confeccionan as declaracións con rendas procedentes de:

• Rendementos de actividades empresariais en módulos (coas súas subvencións).
• Resto de ganancias e perdas patrimoniais (transmisión de inmobles incluídos a vivenda habitual con exención parcial por reinvestimento, accións ou outros bens, …) co límite conxunto de 2 operacións.

Non se confecciona en oficinas da AEAT, as declaracións de Renda que estean nalgunha das seguintes situacións:

• Rendas de traballo superior a 65.000 € e capital mobiliaria superiores a 15.000 €.
• Arrendamento de inmobles (máis de 1 inmoble e / ou contrato de alugamento).
• Actividades profesionais ou empresariais en estimación directa.
• Transmisión de máis de 2 inmobles ou accións de máis de 2 emisores (límite conxunto).
• Presentar declaración polo Imposto sobre Patrimonio no exercicio anterior.

Non se confeccionan declaracións complementarias de exercicios anteriores.

O matrimonio onde un do cónxuxes quede excluído do servizo de cita previa, pode solicitar cita previa para Renda para aquel cónxuxe que non quede excluído, exclusivamente para confeccionar a súa declaración de Renda en tributación individual. No caso de querer tributar de forma conxunta non poderán utilizar o servizo.

Non. O servizo de cita previa xeral solo concerta cita previa a aqueles contribuíntes que desexen acudir ás oficinas da AEAT para recibir información, asistencia ou realizar xestións diferentes á confección da declaración de Renda. Esta última conta cun servizo diferenciado.

Pódese concertar, consultar, cambiar e anular a cita previa para Renda, para confeccionar a declaración de Renda, do 4 de maio a 29 de xuño de 2017 por:

• Internet: www.sede.agenciatributaria.gob.es con NIF/NIE ou DNI electrónico, certificado electrónico, Cl@ve PIN ou referencia.
• Teléfono: chamando ao 901 22 33 44 ou 91 553 00 71 (de 9 a 19 horas de luns a venres) con NIF/NIE.

Con cita previa o contribuínte pode acudir a que lle atendan persoalmente, do 11 de maio ao 30 de xuño de 2017, ás oficinas da AEAT, CCAA, Concellos ou outras entidades colaboradoras para realizar a Renda. O contribuínte será atendido o día, hora e lugar que previamente concertase a través do servizo de cita previa.

Si. Cómpre que exista cita concertada a nome da persoa que autoriza. A persoa autorizada a confeccionar a declaración dun terceiro debe de  acudir á cita coa   autorización asinada. Canda a autorización anexarase fotocopia do DNI da persoa que autoriza ou representado. Pódese utilizar o seguinte modelo de autorización.

Co fin de facilitar o acceso a citas a un maior número de contribuíntes pódense pedir ata un máximo de dúas citas  por contribuínte (co mesmo NIF).

Para concertar o número de citas correcto, é preciso concretar as persoas que necesitan cita e se pertencen, ou non, á mesma unidade familiar: 

• Se se trata dunha PERSOA ##1##: 1 CITA, 1 número de NIF / NIE.
• Se se trata dunha UNIDADE FAMILIAR ##1##: 1 CITA, 1 número de NIF / NIE tanto en tributación individual de cada un dos membros da unidade familiar como en tributación conxunta.
• Se NON PERTENCEN Á MESMA UNIDADE FAMILIAR concértanse as CITAS que correspondan segundo os puntos anteriores, cun máximo de 6 citas nunha chamada, cos correspondentes 6 números de NIF / NIE

Non. Basta con solicitar unha cita por unidade familiar, co NIF de calquera do cónxuxes.

Existen dúas modalidades de unidade familiar:

1. A formada polo cónxuxes non separados e se os houber, os fillos menores de idade (menores de 18 anos) agás os que vivan independentes, co consentimento dos pais.
2. En caso de separación legal ou se non existe vínculo matrimonial, a formada polo pai ou a nai e todos os fillos menores de idade  que convivan cun ou outro.

Si. No caso de que o contribuínte comunicase un número de teléfono móbil. A SMS enviarase no momento en que a cita quede rexistrada. 

Si. En caso de non poder acudir á cita hai que anulara como mínimo un día antes.

A Axencia Tributaria ofrece un servizo especial para concertar cita previa en Campaña de Renda e para realizar outras xestións nas súas oficinas.

A Axencia Tributaria, de acordo co acordo de colaboración asinada con CERMI-ONCE para mellorar a accesibilidade das persoas con discapacidade á súa páxina web, comunica a posta en marcha dun servizo específico para concertar cita previa tanto en Campaña de Renda para confeccionar a declaración do IRPF, como para acudir ás súas oficinas a realizar calquera trámite.

A respecto disto, a  Confederación Estatal de Persoas Xordas (CNSE) publicará na súa páxina web unha ligazón a unha ferramenta de vídeo chat de SVisual, que permitirá ás persoas con discapacidade auditiva, concertar a súa cita para confeccionar a súa declaración de Renda ou realizar trámites nas oficinas da Axencia Tributaria. Así mesmo, habilitáronse outras vías especificas para concertar cita previa (a través de chat ou correo electrónico).

As persoas que estean interesadas en coñecer as características deste servizo especial e utilizaro, deben pórse en contacto coa súa asociación, onde lles facilitarán a información oportuna.