Dedución por donativos
Na información fiscal reflíctese o importe das doazóns e achegas realizadas e ademais figura a contía das mesmas e o seu carácter recorrente ou non.
O novo sistema de cálculo que establece a normativa a partir de 2015 supón que:
-
Ata 150 euros de doazóns realizadas en conxunto polo contribuínte procede aplicar un porcentaxe de dedución incrementado do 75 %(en actividades prioritarias do mecenado o 80 %).
-
Ao exceso sobre 150 euros do conxunto de doazóns realizadas correspóndelle un porcentaxe de dedución diferente (30, 35 ou 40 por 100), dependendo de se a doazón á mesma entidade non foi inferior á dos dous anos anteriores (recorrencia: Doazón 2015 ≤ Doazón 2016 ≤ Doazón 2017) e de se a actividade da entidade ten a consideración ou non de actividade prioritaria do mecenado.
Enténdese por recorrencia que as doazóns realizadas á mesma entidade nos dous períodos impositivos inmediatos anteriores fosen por contía igual ou superior á do exercicio precedente.
Polo tanto, os porcentaxes de dedución aplicables en 2017 aos contribuíntes do IRPF que realizasen donativos fíxanse en función do importe do donativo, de se hai ou non recorrencia na doazón e de se a actividade é ou non considerada como prioritaria do mecenado.
|
Importe Doazón |
Actividade Non Prioritaria Mecenado |
Actividade Prioritaria Mecenado |
|---|---|---|
|
Ata 150 € |
75 % |
80 % |
|
Exceso sobre 150 € |
30 % |
35 % |
|
Exceso sobre 150 € e recorrencia |
35 % |
40 % |
Nos datos fiscais que figuran no programa Renda WEB dentro da pestana de Datos incorporados, pódense visualizar importes, recorrencia e porcentaxes aplicadas a esta dedución que se envorcará de forma automática no apartado de renda correspondente.
Non obstante, cumprirá comprobar que os datos fiscais que aparecen son correctos e que as porcentaxes están ben aplicado; deberán modificarse en caso contrario.