Rexistro e identificación de operadores económicos (EORI) ou de asociación EORI-NIF

O artigo 6 do Código Aduaneiro da Unión implica que todo intercambio de información, como declaracións, solicitudes ou decisións, entre as autoridades aduaneiras e entre estas e os operadores económicos e a almacenaxe desa información necesaria de acordo coa lexislación aduaneira deberá efectuarse mediante técnicas de tratamento electrónico de datos. En España a solicitude do número EORI deberá realizarse utilizando as xestións desta mesma páxina ou desde “Todas as xestións “ desta web.

Unicamente, naqueles casos en que se trate de transportistas que non estean establecidos na UE e non estean obrigados a obter un NIF en España creouse o formulario de “solicitude de EORI para non establecidos” co obxecto de facilitar o seu rexistro sen necesidade de obtención de NIF previo. Este formulario pode presentarse en papel en calquera Dependencia de Aduanas e II.EE, persoalmente ou a través dun representante, en cuxo caso, haberá que consignar os seus datos de contacto no recadro correspondente.

Cada Estado Membro, é competente para rexistrar a aqueles operadores establecidos no mesmo. Polo tanto, a aduana española é competente para rexistrar aos operadores establecidos en España.

Ademais, aqueles operadores económicos que non estean establecidos na Unión poderán solicitar a asignación do número EORI ante calquera Estado Membro (soamente ante un Estado, e que normalmente será aquel en que realicen a primeira operación para a que se require dispor dun número EORI).