Como e onde presentar a declaración censual

O modelo 030 pódelo presentar en impreso ou por vía telemática a través de Internet.

A presentación en impreso deberás realizara na Delegación ou Administración da AEAT correspondente ao teu domicilio fiscal no momento da presentación, ben mediante entrega directa ou por correo dirixido á oficina de xestión da citada Administración ou Delegación.

Para a presentación por vía electrónica a través de Internet podes identificarche con Cl@ve Móbil, ou con certificado ou DNI electrónico. Podes acceder en nome propio ou en representación de terceiros (colaboración social, apoderamento ou sucesión).

En xeral, o modelo 030 cóbrese de forma individual.

Unicamente podes cubrir un único modelo, asinado por ambos os dous cónxuxes, nos seguintes casos:

• Cando comuniques o cambio de domicilio fiscal ou do domicilio para os efectos de notificacións, e os citados domicilios sexan os mesmos para ambos os dous cónxuxes; e

• Cando ambos os dous desexen comunicar simultaneamente a solicitude de alta no Censo de Obrigados Tributarios ou solicitude do NIF, a modificación dos datos identificativos ou solicitar unha nova tarxeta acreditativa do NIF.

Se presentas o modelo 030 de forma conxunta por ambos os dous cónxuxes por vía telemática a través de Internet, cada cónxuxe debe dispor do certificado de usuario en vigor que permita a presentación por Internet, polo que deben dispor con carácter previo de NIF e estar identificados no Censo de Obrigados Tributarios. Na presentación electrónica dunha única declaración formulada por ambos os dous cónxuxes, un do cónxuxes debe ser previamente apoderado polo outro para a presentación do modelo e ese apoderamento debe estar inscrito no Rexistro de apoderamentos.