Mínimo por descendentes

Quen son descendentes para os efectos de aplicar o mínimo e que requisitos deben cumprir

Son descendentes ou se asimilan a estes para os efectos do mínimo:

Os fillos, netos, bisnetos... etc., é dicir, os unidos a ti por parentesco en liña recta por consanguinidade ou por adopción.
Os tutelados. Tras a reforma do Código Civil tamén poderás aplicaro polas persoas con discapacidade para as que se establecese a curadoría representativa.
Acollídosos segundo a lexislación civil.
Aqueles sobre os que teñas atribuída a garda e custodia por resolución xudicial.

Requisitos que deben cumprir os descendentes:

Que o descendente sexa menor de 25 anos (a 31 de decembro con carácter xeral).
Se son maiores de 25 anos, que teñan un grao de discapacidade igual ou superior ao 33 %.
Que convivan contigo ou dependan economicamente de ti. Podes consultar os distintos casos que se dan con respecto a este requisito nos casos de separación matrimonial legal no Manual práctico de renda, na ligazón de axuda.
Que o descendente non teña rendas, excluídas as exentas, superiores a 8.000 € anuais.
Que non presenten declaración con rendas superiores a 1.800 €.