Xestións incluídas no marco da colaboración social

A colaboración social na xestión tributaria permite a realización de múltiples xestións e actuacións por Internet en representación de terceiras persoas.

Na actualidade pódense presentar declaracións de diferentes impostos, comunicacións, recursos e determinados documentos en formato electrónico, así como solicitar certificados tributarios.

Aviso importante : de cada consulta que se realice electronicamente  na  Axencia  Tributaria das declaracións, comunicacións ou outros documentos tributarios presentados en representación de terceiras persoas, quedará constancia da información consultada e da navegación que se desenvolva, así como do sistema de identificación electrónica da persoa que exerce a colaboración social ou dos seus delegados ou delegadas co que se accede, polo que se deberá extremar o coidado na custodia dos certificados  electrónicos e conservar o documento que acredita a representación correspondente.