Tipos de acordo de colaboración social

Os  acordos de colaboración social na aplicación dos tributos para a presentación telemática de declaracións, comunicacións e outros documentos tributarios en representación de terceiras persoas agrúpanse de acordo coa seguinte clasificación:

• Acordos  asinados con entidades asociativas do ámbito da asesoría fiscal e a xestión tributaria (Colexios de avogados, Colexios de Xestores Administrativos, Consellos de Colexios e Asociacións  de profesionais relacionados coa Asesoría Fiscal, etc). Estas entidades e, se é o caso, os seus integrantes colexiados ou asociados ás mesmas, poderán presentar por vía electrónica (telemática) as declaracións, comunicacións e outros documentos tributarios en nome da súa clientela permitida no ámbito da colaboración social na aplicación dos tributos.

• Acordos  asinados con entidades asociativas cuxos asociados non desenvolven actividade profesional no ámbito da asesoría fiscal ou a xestión tributaria (Asociacións Empresariais, Asociacións Agrarias, Confederacións de PEMES, Cooperativas, Federacións de Asociacións, Colexios de profesionais non relacionados coa xestión tributaria, etc). A entidade asociativa poderá presentar por vía electrónica (telemática) declaracións, comunicacións e outros documentos tributarios permitidos no ámbito da colaboración social na aplicación dos tributos, pero unicamente das persoas e entidades vinculadas á asinante do convenio (cooperativistas no caso de cooperativas, membros colexiados no caso de colexios profesionais, integrantes asociados no caso de asociacións, etc.).

• Acordos  asinados con entidades colaboradoras na xestión recadadora (Bancos, Caixas de Aforro e Cooperativas de Crédito). Poderán presentar por vía electrónica (telemática) as declaracións, comunicacións e outros documentos tributarios, permitidos no ámbito da colaboración social na aplicación dos tributos, en nome da súa clientela.

• Acordos  asinados coas Comunidades Autónomas, Concellos e outras Administracións públicas en xeral e entidades tales como Sindicatos, Universidades, etc. Poderán presentar declaracións, comunicacións e outros documentos tributarios relacionados co Imposto sobre a Renda das Persoas Físicas e co Imposto sobre o Patrimonio, en nome de terceiras persoas.

• Acordos  asinados coas empresas para a presentación de declaracións, comunicacións e outros documentos relacionados co Imposto sobre a Renda das Persoas Físicas e Imposto sobre o Patrimonio do seu persoal e de quen integran a súa unidade familiar.

• Acordos  asinados con entidades privadas que permiten ás empresas cabeceira dos grupos de sociedades efectuar a presentación por vía telemática de declaracións, comunicacións e outros documentos tributarios en representación das empresas do grupo , así como as do Imposto sobre a Renda das Persoas Físicas e Imposto sobre o Patrimonio do seu persoal e de quen integran a súa unidade familiar.

• Acordos  asinados coas entidades asociativas representativas de intereses empresariais que teñan entre os seus membros empresas do sector da automoción . Permiten á entidade asinante o envío de declaracións, comunicacións e outros documentos tributarios en nome dos seus asociados e asociadas, e ademais permite aos seus membros do sector da automoción a presentación do modelo correspondente ao Imposto Especial de Matriculación de Determinados Medios de Transporte (576), por vía telemática en nome da súa clientela.

• Acordos  con entidades asociativas do sector do transporte por estrada ou do sector  agrario para a realización en nome dos seus asociados e asociadas, entre outros, dos trámites necesarios para a obtención das devolucións correspondentes nos ámbitos do gasóleo profesional ou do gasóleo agrícola respectivamente, aínda que poden presentar en nome dos seus asociados e asociadas toda clase de declaracións.

• Acordos con entidades subministradoras de software para a subministración electrónica dos rexistros de facturación (SII) en representación de terceiras persoas.

• Acordos con entidades colaboradoras coa Axencia Estatal de Administración Tributaria no procedemento de devolución de cotas de IVE a quen viaxen non sendo residentes na Unión Europea , para a presentación telemática do documento electrónico de reembolso e a comunicación do pagamento.