Normas de funcionamento

II. Funcións

II.1. Funcións do Foro

No seo do Foro poderase tratar calquera cuestión referida a materias tributarias e aduaneiras de interese común dos integrantes do mesmo, a proposta de calquera destes .

Entre outras, as seguintes:

1. Mellora da relación entre a Administración Tributaria do Estado e as empresas públicas e demais entidades do sector institucional do Estado, e o establecemento de canles de comunicación fluída e permanente, en particular:

   • Difusión da estrutura dos órganos de aplicación dos tributos e da práctica da devandita aplicación.

   • Suxestións de mellora na xestión dos tributos.

   • Mellora das actuais canles de comunicación e establecemento doutros novos.

   • Difusión de criterios interpretativos específicos de interese xeral realizados polos órganos competentes (administrativos e xudiciais).

   • Potenciación de formación específica desde a Axencia Tributaria sobre novidades fiscais en tributos de nova creación. Celebración de xornadas de difusión sobre novidades fiscais relativas aos modelos de declaración.

2. Simplificación e favorecimiento do cumprimento das obrigas fiscais, a través da análise de:

   • Posibles melloras a introducir nos procedementos de aplicación dos tributos.

   • Actuacións de control tributario: duración, custos de atención, etc.

   • Criterios e frecuencia de remisión de información fiscal á Administración Tributaria.

   • Establecemento de canles de información que xeren maior seguridade na actuación empresarial, minimizando os custos de litixiosidade e o risco de sanción.

   • Tributación de determinadas operacións de interese xeral.

3. Estudos de cambios normativos e adaptación aos mesmos:

   • Coñecemento anticipado de proxectos normativos de interese xeral.

   • Propostas de modificación normativa de interese xeral.

4. Avaliación da actuación interna das organizacións en relación coa aplicación do sistema tributario e aduaneiro:

   • Difusión da importancia da xestión fiscal nos programas de formación xerencial, públicos e privados.

   • Responsabilidade dos Consellos de Administración e demais órganos de administración en materia fiscal como manifestación da Responsabilidade Social Corporativa.

   • Creación dun Código de Boas Prácticas Tributarias para o Sector Público empresarial/Institucional.

   • Posibles melloras a introducir nos procedementos de control interno orientados á detección e xestión das continxencias e riscos fiscais.

5. Cuestións específicas referidas á aplicación dos tributos e do sistema aduaneiro na Administración Institucional do Estado.

Os acordos adoptarán a forma de informes ou recomendacións en relación coas materias tratadas no Foro, polo que carecerán de efectos xurídicos vinculantes.

O Foro establecerá os vías de comunicación pública dos acordos adoptados no seu seo.

II.2. Funcións da Presidencia

Corresponde á persoa titular da Presidencia do Foro:

1. Dirixir, promover e coordinar a actuación do Foro.

2. Convocar e presidir as sesións do Pleno.

3. Fixar a orde do día das sesións, tendo en conta as propostas e peticións formuladas polos membros do Foro nos termos previstos nas súas normas de funcionamento.

4. Encomendar á Secretaría Técnica a realización de estudos, informes ou traballos relacionados coas materias tratadas, ou que se vaian a tratar no Foro.

5. Cantas outras funcións se lle atribúen nas normas de funcionamento do Foro.

 II.3. Funcións da Secretaría Técnica

Corresponden á Secretaría Técnica:

1. Impulsar e apoiar os traballos do Foro.

2. Propor os temas que hai que tratar e preparar a documentación relativa aos mesmos.

3. Realizar os estudos, informes ou traballos que lle encomende a Presidencia do Foro e coordinar a elaboración de estudos comparativos no ámbito internacional sobre as materias propias do Foro.

4. Redactar as actas das sesións do Foro e dos seus grupos de traballo.

5. Dispor a difusión e publicidade dos acordos adoptados polo Foro.

6. Cantas outras funcións se lle atribúen nas presentes normas de funcionamento do Foro.

 II.4. Funcións dos membros do Foro

Corresponde aos membros do Foro:

1. Participar nas sesións do Pleno do Foro e daqueles grupos do traballo de que formen parte, propondo á Presidencia a inclusión de temas na Orde do día con suficiente antelación.

2. Presentar propostas para a súa discusión polo pleno do Foro ou para o seu estudo nos grupos de traballo ou na Secretaría técnica.