Cesión de manuais, programas de axuda e publicacións informativas incluídos na web da AEAT

A Axencia Tributaria autoriza a descarga gratuíta dos manuais, impresos, programas de axuda e publicacións informativas incluídos na súa Sede electrónica para os efectos da súa reprodución e distribución, non sendo que se indique o contrario de forma expresa na propia Sede.

A persoa cesionaria queda autorizada a realizar ao seu cargo as reproducións dos manuais, impresos, programas de axuda e publicacións incluídas na Sede electrónica da Axencia Tributaria que estime convenientes, quedando expresamente prohibida calquera alteración ou manipulación dos mesmos.

As reproducións dos manuais prácticos e publicacións informativas efectuadas polas persoas cesionarias non poderán incluír ningún tipo de publicidade, aínda que poderán estampar nas devanditas reproducións o seu anagrama e denominación empresarial. Necesariamente deberá constar o seguinte texto “Manual práctico cedido gratuitamente pola Axencia Tributaria ”ou “Publicación informativa cedida gratuitamente pola Axencia Tributaria ”.

O soporte en que as persoas cesionarias realicen as reproducións dos programas de axuda deberá estar protexido contra escritura. A presentación externa  deberá conter o anagrama e denominación da Axencia Tributaria e necesariamente o seguinte texto “Programa cedido gratuitamente pola Axencia Tributaria ”.

A persoa  cesionaria realizará a distribución do manual, impreso, publicación ou programa de axuda de forma gratuíta.