Información sobre protección de datos
A Axencia Estatal de Administración Tributaria (de agora en diante “Axencia Tributaria ”) é responsable de todos os tratamentos de datos de carácter persoal que se realicen no desenvolvemento da súa actividade, non sendo que se indique o contrario nun tratamento concreto.
Estes tratamentos realizaranse sobre os datos de carácter persoal das persoas que usan os servizos que ofrece no desenvolvemento da súa actividade que poderán ser os suxeitos obrigados tributarios, os seus representantes, empregados ou empregadas públicas ou calquera outra persoa que utilice os seus servizos. De agora en diante referirémosnos a elas como persoas interesadas.
En relación co uso da web da Axencia Tributaria por parte das persoas interesadas, infórmase de que os seus datos de carácter persoal só poderán obterse para o seu tratamento cando sexan axeitados, pertinentes e non excesivos, en relación co ámbito e as finalidades determinadas, explícitas e lexítimas para as que se obtivesen.
A Axencia Tributaria realiza estes tratamentos de acordo coa normativa vixente en materia de protección dos datos persoais, de seguridade da información e a propia normativa específica que regula a súa actividade e que recolle todos os aspectos relativos ás condicións en que se poden realizar tratamentos de datos das persoas interesadas.
Neste sentido, adoptáronse as medidas técnicas e organizativas necesarias para evitar a destrución, perda ou alteración accidental ou ilícita de datos persoais transmitidos, conservados ou tratados doutra forma, ou a comunicación ou accesos non autorizados aos devanditos datos, susceptibles en particular de ocasionar danos e prexuízos físicos, materiais ou inmateriais. As medidas adoptadas teñen en conta o estado da tecnoloxía, a natureza dos datos e os riscos aos que están expostos e revísanse periodicamente para garantir a súa adaptación a novas situacións ou escenarios de risco.
A Axencia Tributaria, como responsable de todos os tratamentos dos datos de carácter persoal das persoas interesadas e de acordo cos requisitos de información ao mesmo recollidos no artigo 14 do Regulamento (UE) 2016/679, indica a continuación a información básica relativa a estes tratamentos:
| Responsable | Dirección Xeral da Axencia Estatal de Administración Tributaria (AEAT) |
|---|---|
| Finalidade | Aplicación efectiva do sistema tributario estatal e aduaneiro |
| Lexitimación | Cumprimento dunha obriga legal |
| Destinatarios | Outras administracións públicas do ámbito nacional e internacional |
| Dereitos | Dereito de acceso |
| Dereito de rectificación | |
| Dereito de supresión (Dereito ao esquecemento) | |
| Dereito de oposición | |
| Dereito á limitación do tratamento | |
| Dereito á portabilidade dos datos | |
| Procedencia | Da mesma persoa interesada, doutras Administracións Públicas, doutras persoas físicas distintas á interesada, de entidades privadas, de rexistros públicos e de fontes accesibles ao público. |
| Consentimento | Naqueles casos onde legalmente cumpra conseguir o consentimento da persoa interesada procederase a solicitaro de acordo aos requisitos esixidos pola normativa vixente |
| Delegación de Protección de Datos | Poderasche pór en contacto coa Delegación de Protección de Datos da Axencia Tributaria a través do enderezo de correo electrónico: dpd@correo.aeat.es |
Podes encontrar máis información detallada sobre estes tratamentos e o procedemento para exercer os teus dereitos, na axuda .