Vendas, emprego e salarios nas grandes empresas
A estatística de Vendas, Emprego e Salarios nas Grandes Empresas (VESGE) ofrece información agregada procedente das declaracións de IVE e de Retencións por rendementos do traballo das consideradas Grandes Empresas a efectos fiscais.
A tales efectos, son Grandes Empresas as persoas físicas ou xurídicas cuxo volume de operacións excedese a cifra de 6,01 millóns de euros durante o ano natural inmediatamente anterior. Supoñen algo menos do 1 %do total de declarantes por IVE, pero o seu peso na facturación do total de empresas é superior ao 60 %.
Estas empresas están obrigadas á presentación mensual das súas declaracións. Nelas , ademais da información propiamente fiscal, proporcionan información sobre as variables económicas (vendas, emprego, retribucións salariais) que permiten o cálculo das súas obrigas fiscais.
O resultado da explotación destas declaracións (cos matices detallados nas notas metodolóxicas) proporciona información da evolución mensual de vendas, exportacións, importacións, emprego e salarios. A devandita información preséntase como series de números índices, orixinais e corrixidas de variacións estacionais e de calendario (CVEC). Ademais, para as variables derivadas dos modelos do IVE tamén se presenta a información deflactada.
Aviso: A publicación de decembro de 2023 do VESGE inclúe a actualización da corrección das variacións estacionais e de calendario do último exercicio.