Como e cando se paga o IAE?
Para a declaración de alta deberás comunicar unha serie de datos para posteriormente obter os recibos de pagamento correspondentes.
O IAE é un imposto periódico e o período impositivo coincide co ano natural salvo tres excepcións:
Espectáculos
Declaracións de alta cando non coincide co 1 de xaneiro
Cese da actividade cando se cesa na actividade antes de finalizar o ano
As cotas son irreducibles salvo neses casos.
Os prazos de ingreso dependen do tipo de cota, segundo sexa cota municipal, provincial ou nacional.
Distínguense dous momentos:
A presentación de alta
Os seguintes exercicios económicos.
Cando se trata de declaracións de alta, a cota recadarase mediante liquidación notificada individualmente ao suxeito pasivo.
Cando se trate de cotas municipais, os obrigados tributarios presentan as declaracións de alta e os concellos practican as liquidacións que procedan e que notifican os suxeitos pasivos.
Cando se trate de cota provincial ou nacional, os suxeitos pasivos presentan as declaracións de alta e a Axencia Estatal de Administración Tributaria practica a correspondente liquidación que notificara aos suxeitos pasivos.
Nos exercicios seguintes as cotas páganse mediante recibo.