Novidades publicadas no INFORMA durante o mes de febreiro

Unha persoa física que imparte por conta propia e a título individual e persoal clases de cociña, debe darse de alta no grupo 826 da sección segunda das Tarifas.

A actividade consistente no exercicio profesional da logopedia realizado por persoas físicas, aplicando a regra 8ª da Instrución,  ao ser considerados profesionais sanitarios deberán darse de alta no grupo 899 da sección segunda das Tarifas,  “Outros profesionais relacionados cos servizos da sanidade ”.

Se se  realiza o cultivo de bonsáis en explotacións agrícolas ou forestais de que se sexa titular está excluído do feito impoñible. A actividade de venda polo miúdo de bonsáis nun establecemento distinto do de produción está clasificada no epígrafe 659.7 da sección primeira que clasifica o “Comercio polo miúdo de sementes, aboamentos,  flores e plantas e pequenos animais”. O mantemento de bonsáis fóra do lugar onde se leve a cabo a explotación clasifícase no grupo 099 da sección segunda das tarifas e a impartición de clases sobre o cultivo de bonsáis clasifícase  no grupo 826 da mesma sección segunda.

Unha persoa física que se dedica á explotación dun espazo onde distintos profesionais comparten espazo de traballo así como uns servizos adicionais como son secretaría,  recepción,  reprografía,  teléfono,  conexión a Internet,  electricidade,  auga corrente,  así como o uso de mobiliario e ferramentas necesarias deberá darse de alta nos epígrafes 861.2,  849.6,  474.3,  973.3,  así como no grupo 859.

A actividade consistente na interpretación de pezas musicais na vía pública clasifícase no grupo 032 da sección terceira das Tarifas ”Intérpretes de instrumentos musicais”.

A venda polo miúdo de bioetanol para a combustión de chemineas está clasificada no epígrafe 655.1 da sección primeira das Tarifas “Comercio polo miúdo de combustibles de todas clases,  agás gases e carburantes”.