Novidades publicadas no INFORMA durante o mes de maio

No suposto de UTEs de nova creación ao carecer de Importe Neto da Cifra de Negocios (INCN) no período impositivo que de acordo coa regra 2ª da letra c) do apartado 1 do  artigo 82 do Real decreto Lexislativo 1175/1990, do 28 de setembro, debe tomarse de referencia, non se dispón dese elemento tributario necesario para poder aplicar a exención, ao carecer de INCN  e operar a prohibición de usar a analoxía non cabe aplicar a exención prevista na letra c) do apartado 1 do artigo 82 do   TRLRHL ás UTEs de nova creación en seus dous primeiros exercicios.

Unha entidade que vai a realiza a actividade de venda de artigos de agasallo  serigrafiados, se os traballos de impresión realizados predominan sobre o valor dos obxectos impresos debido á escasa entidade económica destes últimos, neste caso a tributación correspondente no IAE limitaríase á actividade de impresión gráfica, epígrafe 474.1 da sección primeira das Tarifas do Imposto “Impresión de textos ou imaxes por calquera procedemento ou sistema”. Se pola contra, o valor dos artigos que se van a someter ao proceso de impresión predomina sobre os traballos de impresión gráfica dos mesmos o suxeito pasivo leva a cabo dúas actividades distintas, cales son, por un lado, a actividade de impresión gráfica, e por outro, a actividade de venda dos artigos impresos debendo clasificarse por esta actividade provisionalmente, no epígrafe 615.9 da sección primeira das Tarifas “Comercio por xunto doutros artigos de consumo duradeiro non especificados nos epígrafes anteriores”.

Unha clínica privada que presta servizos de cirurxía oftalmolóxica ambulatoria sen hospitalización estará obrigada a figurar de alta na matrícula do Imposto no epígrafe 942.1 da sección primeira das Tarifas “Consultorios médicos, centros de socorro, sanitarios e clínicos de urxencia”.