Novidades publicadas no INFORMA durante o mes de febreiro

Unha entidade que no exercicio actual exerce unicamente a actividade de servizo de hospedaxe en hoteis e moteis (grupo 681 sección primeira) e o seu importe neto de cifra de negocios é inferior ao millón de euros, pero que no exercicio antepenúltimo exerceu, ademais, a actividade de restaurante de dous garfos (epígrafe 671.4 sección primeira) superando naquel exercicio o millón de euros de  INCN para o exercicio  actual non resulta de aplicación a exención do artigo 82.1.c) por INCN.

A actividade consistente na elaboración de comidas para colectividades clasificadas no epígrafe 677.9 da sección primeira das Tarifas do IAE “Outros servizos de alimentación propia da restauración ”non se entende realizada desde un local, razón pola que ten asignada, exclusivamente, cota de clase municipal e deberá tributar por tantas cotas municipais cantos establecementos sexan da súa titularidade.

A actividade desenvolvida por unha  entidade consistente na construción dun hotel para ser utilizado na súa propia actividade económica, consistente na explotación hoteleira, aínda que supón a ordenación por conta propia de medios de produción e de recursos humanos, ou dun de ambos os dous, a súa finalidade non é a de intervir na produción ou distribución de bens ou servizos, toda vez que a construción do devandito hotel non ten como fin o seu alleamento, así por non concorrer o requisito esixido no apartado 1 do artigo 79 do   TRLRHL non ten a consideración de actividade económica para os efectos do imposto e non se realiza o feito impoñible.

Unha entidade dedícase á venda de produtos de scrapbooking, e libros e utensilios de repostaría deberá darse de alta pola venda polo miúdo de produtos de scrapbooking no epígrafe 652.2 “Comercio polo miúdo de produtos de drogaría, perfumaría e cosmética, limpeza, pinturas, vernices, disolventes, papeis e outros produtos para a decoración e de produtos químicos”. Pola venda polo miúdo de libros de repostaría no epígrafe 659.4 “Comercio polo miúdo de libros, xornais, artigos de papelaría e escritorio e artigos de debuxo e belas artes”. E  pola venda polo miúdo de utensilios de repostaría, no epígrafe 653.3 “Comercio polo miúdo de artigos de enxoval, ferraxaría, adorno, agasallo ou reclamo”.

As cotas correspondentes a actividades que se desenvolvan en elementos espaciais ou instalacións que non teñen a consideración de local para os efectos do imposto, non poderán ser incrementadas nin co elemento tributario superficie nin co coeficiente de situación.