Adquisicións «inter vivos». Modelo 651

Documentación que hai que achegar

Documentación obrigatoria

• Orixinal e copia simple da escritura de doazón.

• No seu defecto, o documento privado de doazón, por duplicado, en que se deberán sinalar os datos identificativos do doador e os donatarios (nome, NIF, e enderezo completo), indicarase un domicilio a efecto de notificacións, e relacionaranse detalladamente os bens e dereitos obxecto da doazón con expresión do valor dos mesmos.

• Deberase achegar copia do documento de identidade ou certificado do Número de Identificación de Estranxeiros (NIE) dos donatarios .

• Poder de representación (obrigatorio no caso de suxeitos pasivos non residentes, art. 47 da Lei 58/2003, Xeral Tributaria e do art. 18.4 do   RD 1629/1991, Regulamento do Imposto sobre Sucesións e Doazóns). Para iso poden utilizar o modelo de representación nos procedementos iniciados a instancia dos contribuíntes , que deberá ser achegado canda a Autoliquidación (Non fotocopia ). Na representación deberá facerse constar expresamente, que a mesma faculta para actuar ante a Administración Tributaria en relación con todas as súas obrigas polo Imposto de Sucesións e Doazóns.

Outra documentación a achegar, se é o caso

Acreditación documental do valor teórico das participacións no capital de entidades xurídicas cuxos títulos non coticen en Bolsa, debendo achegar para iso certificado do administrador da entidade en que se indique o número de participacións da entidade (distinguindo no caso de que teñan distintos valores nominais), o número de participacións doadas e o valor teórico de cada participación. Debendo xustificarse o valor teórico asignado a cada participación.